Von nix kümmt nix.

[-sd-]

Noch weiht Passot, noch briest dat fix.
Wat sall de Snak: "Von nix kümmt nix" ?
Wat sall dat Schreen, dat Lamentieren ?
Wat kann uns Jungkerls hüt passieren ?
Goh' an de Küst mit Din Patent,
denn wohr Di weg, dat Di keen kennt,
sünst snak's Di mit bi Dag und Nacht !
Nee, de Chance hüt, ... dat is' ne Pracht !

Jäh, leew Jungkerl, ... so snakst Du hüt ! --
De See is deep, de See is wiet !
Se ritt Di hoch, se gifft Di Brot,
se ritt Di dol und ... sleiht Di dot ! --
De See is lohm, is glatt, is still !
All dat is se, ... wenn se dat will ! -
Und as de See, so is Din Chance,
mol Hochtiedsfest, ... mol Dodendanz !

Een Lebenlang weiht keen Passot !
Paß op, min Jung, eh' dat to lot !
Bi Tied holl klor Sails und Maschin,
dat mutt for Di de Leitspruch sien,
"Von nix kümmt nix", is't Di nu klor ?
Is dit lütt' Wort nich deep und wohr ? -
Allright, old boy, ... kümmst mol an Land,
denk' ok an Di ... und Din'n Verband !! -

W. J.